Yeni komandası bəlli oldu

“Sabah” basketbol klubu litvalı forvard Mindauqas Suşinskası transfer edib.

Allsport.az xəbər verir ki, 204 sm boya malik oyunçu ilə 2 illik müqavilə imzalanıb.

O, karyerası ərzində Litvanın “Alytaus Dzūkija”, “Prienai”, Almaniyanın “Niners Chemnitz” və İspaniyanın “Basquet Girona” klublarının formasını geyinib.

Suşinskas Almaniya təmsilçisinin heyətində FİBA Avropa kubokunda orta hesabla 11,3 xal, 4 götürmə və 2,5 məhsuldar ötürmə ilə çıxış edib. Basketbolçu son 3 mövsümü İspaniyanın ACB liqasında keçirib.