Yenidən “şəhərlilər”də

Argentina millisinin və “Marsel”in qapıçısı Xeronimo Rulli karyerasını İngiltərədə davam etdirəcək.

Allsport.az xəbər verir ki, “Mançester Siti” təcrübəli qolkiperlə anlaşıb. 34 yaşlı futbolçu ilə 2 illik müqavilə imzalanıb.

Rulli ötən mövsüm “Marsel”lə Fransa çempionatında 29 oyuna çıxıb.

Qolkiper daha əvvəl 2016/17 mövsümündə “şəhərlilər”də forma geyinib. O, bundan başqa “Vilyarreal”, “Ayaks”, “Real Sosyedad” kimi klublarda da çıxış edib.