Yığmanın sabiq baş məşqçisi öldü

Fransanın kişilərdən ibarət yığma basketbol komandasının keçmiş baş məşqçisi Fransis Jordan 79 yaşında vəfat edib.

Allsport.az xəbər verir ki, o, milliyə 1988-ci ildən 1993-cü ilə qədər rəhbərlik edib.

1981-ci ildə Jordana Fransanın gənclər milli komandasının heyətinə qoşulmaq imkanı təklif edilib və üç il sonra o, böyüklərin yığmasında Jan Qalın köməkçisi olub. Qalın 1988-ci ildə ayrılmasından sonra Jordana milli komandanın rəhbərliyi həvalə edilib. Onun rəhbərliyi dövründə milli komanda üç dəfə Avropa çempionatında iştirak edib və 1991-ci ildə dördüncü yeri tutub – bu, 30 ildə ən yaxşı nəticədir.