Zorakılıqda ittiham olunan “Mançester Yunayted”in futbolçusu Braziliya millisindən kənarlaşdırılıb

“Mançester Yunayted”in hücumçusu Entoni DÇ-2026-nın seçməsində Boliviya və Peruya qarşı oyunlar öncəsi Braziliya millisinin heyətindən kənarlaşdırılıb.

Allsport.az saytı xəbər verir ki, bu qərar onun keçmiş sevgilisinin media vasitəsilə futbolçunu zorakılıqda ittiham etməsindən sonra verilib.

Futbolçu ona qarşı irəli sürülən ittihamları təkzib edib. Hazırda polis tərəfindən araşdırma aparılır. “Arsenal”ın hücumçusu Qabriel Jezus onun əvəzinə yığmaya çağırılıb.