«Əqrəblər» qalib gəldi, millimizin üzvü 3 dəfə fərqləndi

Bu gün Türkiyə Super Liqasında 13-cü turun matçları start götürüb. Allsport.az saytı xəbər verir ki, milli komandamızın mərkəz həndbolçusu Sergey Georgiyevskinin formasını geyindiyi «Antalya» yüksəlişini davam etdirir.

«Əqrəblər» hesabat turunda səfərdə «Ankara İl Özəl İdarə» klubu ilə qarşılaşıb. Bu görüşdə «ağ-qırmızılar» 26:20 hesabı ilə qalib gəliblər. Şəmyerlimiz komandasına 3 top qazandırıb. Hazırda «Antalya» yarış cədvəlində 10 xalla 10-ci sırada qərarlaşıb.