FOTO
Milli paralimpiya komitəsində 2-ci Vətən müharibəsi qaziləri ilə görüş

Milli paralimpiya komitəsinin və “Motivator Azerbaijan”ın birgə təşkilatçılığı ilə yeni layihəyə start verilib. Allsport.az saytı xəbər verir ki, iş çərçivəsində 2-ci Vətən müharibəsinin qaziləri ilə ilk görüş keçirilib. Layihənin məqsədi Vətən müharibəsi qazilərinin idmana cəlb edilməsi, gənclərimizin qarşılarına qoyduqları məqsədə doğru irəliləməsində, sağlamlıqla olan problemlərə və əlilliyə baxmayaraq ruhdan düşməmələri üçün dəstək olmaqdır.

Görüşdə milli paralimpiya komitəsinin baş katibi Kamal Məmmədov, “Motivator Azerbaijan” layihəsinin yaradıcısı Rüfət Həsənov, gənclər və idman naziriliyinin idman şöbəsinin müdiri Fərid Mansurov, 2-qat paralimpiya çempionu İlham Zəkiyev, peşəkar boks federasiyasının vitse-prezidenti Fərhad Acalov iştirak ediblər. İlk növbədə görüş iştirakçıları silahlı qüvvələrin müzəffər ali baş komandanı İlham Əliyevə və pəşadətli Azərbaycan ordusuna xalqımıza bəxş etdiyi qələbə sevincinə görə təşəkkür ediblər.

Qazilərimizi 2-ci Vətən müharibəsində qazanılan tarixi qələbə münasibətilə təbrik edib, Rəşadətli Ordumuzun torpaqlarımızın azadlığı uğrunda göstərdiyi şücaətin əsl qəhrəmanlıq olduğunu vurğulayıblar. Komitənin vitse-prezidenti İlham Zəkiyev bildirib ki, müharibə zamanı əlillik alan şəxslər bu günə qədər də MPK-nin milli komandalarının tərkibində iştirak edib, ölkəmizi beynəlxalq arenada böyük uğurla təmsil edirlər. Onların sırasında güllə atıcılığı idman növü üzrə komandanın baş məşqçisi Əkbər Muradov, həmin komandanın üzvü Elşən Cəbiyev, kamandan oxatma üzrə milli komandanın baş məşqçisi İlqar Abbasov kimi Qarabağ müharibəsi qazilərimiz var. Milli Paralimpiya Komitəsinin baş katibi Kamal Məmmədov bildirdi ki, sağlamlıq imkanları məhdud olan qazilərimiz Paralimpiya hərəkatına qoşularaq beynəlxalq arenada ölkəmizi təmsil edə bilərlər. Üstəlik, onlara komitə tərəfindən psixoloji dəstək də göstəriləcək.

Fərid Mansurov qeyd edib ki, milli paralimpiya komitəsi 25 il ərzində böyük uğurlara yetişib və hər zaman olduğu kimi, bu gün də nazirlik daima paralimpiya komitəsinə dəstək olacaq.
“Motivator Azerbaijan” layihəsinin yaradıcısı Rüfət Həsənov, öz növbəsində, paralimpiya hərəkatına qoşulan qazilərimizin digər əlilliyi olan şəxslərə motivasiya verdiklərini deyib.
Fərhad Acalov layihəni yüksək qiymətləndirib. Qeyd edib ki, qazilər paralimpiya hərəkatına qoşularaq peşəkar məşqçilərin köməyi ilə qısa bir zamanda müxtəlif idman növlərində uğurlara çata bilərlər.

Возможно, это изображение (2 человека и люди стоят)
Возможно, это изображение (2 человека и люди сидят)
Возможно, это изображение (1 человек, сидит и стоит)
Возможно, это изображение (1 человек и стоит)
Возможно, это изображение (2 человека, люди стоят и военная форма)
Возможно, это изображение (1 человек)

Həmin kateqoriyadan