ABŞ-da keçirilən dünya çempionatında azarkeşlər təhlükədədir

2022-ci il Dünya Kubokunun Qətərdə keçirilməsi ictimaiyyətin qəzəbinə səbəb olub. Allsport.az saytı xəbər verir ki, təkcə insan haqları fəalları deyil, həm də adi insanlar ölkədə hüquqların pozulması və mundial üçün infrastruktur hazırlayan immiqrant işçilərin ağır iş şəraiti ilə bağlı qəzəblərini bildiriblər. “The Qardian” qəzetinin qeyri-rəsmi məlumatına görə, tikinti sahələrində təxminən 6000 nəfər həlak olub. Qətər – Hindistan, Pakistan, Nepal, Banqladeş və Şri-Lankadan olan 400-500 işçinin ölümünü açıq şəkildə etiraf edib.

Görünür, insan haqları fəallarının 2026-cı il Dünya Kubokundan əvvəl narahat olmağa heç bir səbəbi yox idi. Tədbirin əksər hissəsi insan haqlarına hörmətlə yanaşılacağı sivil ABŞ-da keçiriləcək. Lakin turnir yaxınlaşdıqca fəallar yenidən narahatdırlar: indi onlar işçilərin təhlükəsizliyi üçün deyil, qonaqların – azarkeşlərin, jurnalistlərin və hətta Dünya Kuboku iştirakçılarının özlərinin təhlükəsizliyi üçün narahatdırlar.