Adını tarixə yazdırdı

Xorvatiya millisinin təcrübəli yarımmüdafiəçisi İvan Perişiç dünya çempionatları tarixində növbəti uğuruna imza atıb.

Allsport.az saytı xəbər verir ki, 37 yaşlı futbolçu DÇ-2026-nın 1/16 final mərhələsində Portuqaliya ilə keçirilən və komandasının 1:2 hesablı məğlubiyyəti ilə yekunlaşan görüşdə fərqlənib.

Bu qolla Perişiç ən azı dörd müxtəlif dünya çempionatında qol vurmağı bacaran altıncı futbolçu kimi tarixə düşüb. O, bundan əvvəl 2014, 2018 və 2022-ci illərdə təşkil olunan mundiallarda da rəqib qapılarına yol tapmağı bacarmışdı.