YENİLƏNİB
“Araz” ikinci oyununda da uduzdu

Futzal üzrə Azərbaycan çempionu “Araz” bu gün UEFA kubokunun elit mərhələsində ikinci oyununa çıxıb. Allsport.az xəbər verir ki, təmsilçimiz Bakı vaxtı ilə saat 18:30-da Çex Respublikasının Pardubice şəhərindəki “CEZ Arena”da Rusiyanın “Dina” klubu ilə qarşılaşıb.

Qeyd edək ki, “Araz” startda Slovakiya “Slov-Matik”inə 3:4 hesabıyla uduzmuşdu. Rusiya klubu isə yerli “Xrudim” üzərində 3:0 hesablı qələbəyə sevinmişdi. Naxçıvan komandası növbəti mərhələyə vəsiqə qazanmaq şansını saxlamaq üçün bu oyunda ən azı uduzmamağa borclu idi.

Amma təəssüf ki, 9 qolun vurulduğu oyunun sonuna qələbəni ruslar bayram ediblər. Beləcə, “Araz” son oyununda nəticəsindən asılı olmayaraq, final mərhələsinə vəsiqə qazanmaq şansını itirib.

Qrupun digər oynunda “Xrudim”lə “Slov-Matik” qarşılaşacaq.

UEFA Kuboku, elit mərhələ
B qrupu
19 noyabr

Dina – Araz 5:4 (3:1)
Qollar: Prudnikov, 10 (1:0). Amadeu, 11 (1:1). Eskerdinya, 14-pen. (2:1). Karlinyos, 18 (3:1). Kutuzov, 21 (4:1), Amadeu, 22 (4:2). Atayev, 30 (4:3). Çeşinya, 33 (4:4). Prudnikov, 39 (5:4).

Həmin kateqoriyadan