“Arsenal”ın 20-ci ildönümünə həsr etdiyi forması

“Arsenal” 2023/24 mövsümü üçün “Adidas”ın dizayn etdiyi yeni ev formasını təqdim edib.

Allsport.az xəbər verir ki, forma komandanın ənənəvi qırmızı və ağ rənglərində hazırlanıb. Formanın özəlliyi ondan ibarətdir ki, komandanın emblemi, texniki sponsorun loqosu və qollardakı zolaqlar qızılı rəngdədir.

Yeni forma londonluların premyer liqadakı məğlubiyyətsiz mövsümünün 20-ci ildönümünə həsr olunub. 2003/04 mövsümündə komanda premyer liqada 26 qələbə və 12 heç-heçə ilə məğlub olmamışdı.