“Ay-ulduzlular”ımız xal orucunu evdə xorvatlarla oyunda açdı

Bu gün Azərbaycan milli AÇ-2020-nin seçmənin “E” qrupunda 5-ci oyunu çıxdı. Allsport.az saytı xəbər verir ki, Nikola Yurçeviçin komandası evdə həmyerliləri Xorvatiya ilə qarşılaşdı. 

Bunadək 0 xalı olan “ay-ulduzlular”ımız nəhayət, xal orucunu açdı. 2-ci hissənin 72-ci dəqiqəsində Təmkil Xəlilzadə sol cinahda rəqibin 2 futbolçusunu aldadıb qapını düz nişan aldı.

Bunadək “damalılar” hesabı açmışdılar. İlk yarını zəif keçirən yığmamız 11-ci dəqiqədə kapitan Luka Modriçin 11-metrlik cərimə zərbəsinin qarşısını ala bilməmişdi.