Azərbaycan klubları Avropa çempionatında mübarizə aparacaq

Allsport.az xəbər verir ki, Bolqarıstanın paytaxtı Sofiyada teakvondo üzrə klublararası Avropa çempionatı start götürəcək. 3 gün davam edəcək yarışda Azərbaycan 6 klubla təmsil olunacaq.

Aparıcı taekvondoçularımız “Gilan” idman Kəklubunun heyətində yer alacaq. Reza Mehmandost və Elnur Amanovun rəhbərliyi altında dayanq üzərinə Səyyad Dadaşov, Rahid Vəliyev (hər ikisi 54 kq), Qaşım Maqomedov (58 kq), Yaşar Məmmədli (68 kq), Eltac Qafarov (74 kq), Əliəsgər Əliyev (80 kq), Taleh Süleymanov (87 kq) və Həmidrza Bədriəliabadi (87 kq) çıxacaqlar.

“Gilan”a qadınların yarışında Sun Mi ParkHyeyounq Çhoi rəhbərlik edəcək. Onlar çempionatda Minayə Əkbərova, Məryəm Məmmədova, Zemfira Həsənzadə (hər üçü 46 kq), Patimat Abakarova, Səmərrux Osmanova, Pəniz İsmayılpur (hər üçü 53 kq), Fatimə Məcidova (62 kq) və Fəridə Əzizovaya (67 kq) şans verəcək.

“Fərasət” taekvondo klubu böyüklərin mübarizəsində Riyad Şirəliyev (68 kq), gənclərdə İbrahim Mehbalizadə (48 kq) ilə təmsil olunacaq.

Dövlət gömrük komitəsinin idman-sağlamlıq mərkəzi də Avropa çempionatında iştirak edəcək. Nicat İsmayılzadə (80 kq) böyüklər arasında qüvvəsini sınayacaq.

“Atlet” taekvondo klubundan Murad Məmmədov (59 kq) gənclərin yarışında döyüşəcək.

Gənc taekvondoçuların yarışında məşqçi Zahid Nadirovun rəhbərliyi altında “Alpman” taekvondo klubu da gücünü yoxlayacaq. O, Bolqarıstanda Səlimə Quliyeva (42 kq) və Vüqar Bağırova (63 kq) şans verəcək.

“Sumqayıt” taekvondo klubu isə səfərə Aylin Eynullayeva (49 kq) ilə yollanıb.

Yarışda referilər arasında beynəlxalq dərəcəli Aygül Abdullayeva da yer alacaq.

Klublara rəhbərliyi Azərbaycan taekvondo federasiyasının vitse-prezidenti Niyaməddin Paşayev edəcək.

Çempionata 2000-dən artıq taekvondoçu qatılacaq.

Həmin kateqoriyadan