Basketbolçumuzun 15 xalı «Banvid»ə kömək etmədi

Milli komandamızın üzvü Çarlz Edvard Deyvis Türkiyə Basketbol Liqasında forma geyindiyi «Banvid» klubu, bu gün 18-cı tur çərçivəsində doğma divarlar arasında «İstanbul BŞB» ilə görüşüb.

Allsport.az saytı xəbər verir ki, Balışəhərin Qara Əli Açar idman zalında baş tutan oyunda «ağ-yaşıllar» təşəbbüsü 2-ci yarıda rəqibə versə də, növbəti periudda durumda tarazlıq yaradıb. 4-cü hissədə daha yaxşı çıxış edən qonaqlar qalib gəliblər – 69:63 .

Bu matçda basketbolçumuz ən yaxşılardan olub və komandasına 15 xal qazandırıb. «Banvid» 28 xalla yarış cədvəlində 6-cı sırada qərarlaşıb.