Bayraqdar hazırlığı bərpa edib

“Neftçi”nin əsas komandasının 2 günlük istirahəti başa çatıb. Allsport.az saytı xəbər verir ki, hazırlıq planına əsasən, bu gün iki məşq nəzərdə tutulub. Komandanın səhər məşqi klubun təlim-məşq bazasında baş tutub.

Milli komandalarımıza dəvət almış futbolçular – Araz Abdullayev, Rəhman Hacıyev (əsas milli komanda), Rahil Məmmədov, Fəhmin Muradbəyli (U-21), Anton Krivotsyuk, Ömər Buludov (U-19) və Makedoniya yığmasına çağırılmış Vançe Şıkov hazırlığa qatılmayıblar.