Dzyuba Rusiya futbolunun rekordçusu oldu

“Akron”un hücumçusu Artyom Dzyuba Rusiya premyer liqasının 20-ci turunda “Krılya Sovetov”la oyunda (0:2) qol vurub.

Allsport.az xəbər verir ki, bu qol 36 yaşlı hücumçunun peşəkar karyerasında 234-cü olub və ona Aleksandr Kerjakovu ötməyə bəs edib. Bununla da Dzyuba Rusiya futbol tarixinin ən yaxşı bombardiri olub.

Artyom Dzyuba karyerası ərzində səkkiz müxtəlif klubda, eləcə də Rusiya yığma komandasında çıxış edib. 234 qol həddinə çatmaq üçün ona 615 oyun lazım olub.