Elxan Məmmədov: Evdə çıxış etmək həm dəstək verir, həm də məsuliyyəti ikiqat artırır

Paytaxtda ilk dəfə keçirilən dünya çempionatının 7-cü günündə ən ağır çəkili cüdoçumuz Uşanqi Kokauri 2-cir yer tutdu. Allsport.az saytı xəbər verir ki, millinin məşqçisi Elxan Məmmədov dəyərləndirdi:

“Uşanqi çox yaxşı çıxış etdi. İmkanından artıq irəlilədi. Dünya çempionatında finala yüksəlmək sıradan bir nəticə deyil. Bu yarış olimpiya oyunlarından geri qalmır. Uşanqi qalib də gələ bilərdi. Vazzari epozodunda qərar xeyrinə verilmədikdə, boşaldı və sındı.

Təəssüflər olsun ki, medala ümidlilərimiz özlərini doğrultmadılar. Bunu ən çox, psixoloji amillə əlaqələndirirəm. Evdə çıxış etmək həm dəstək verir, həm də məsuliyyəti ikiqat artırır.”