İHİF-dən Azərbaycan nümayəndə heyətinə xüsusi sayğı

Səudiyyə Ərəbistanının paytaxtı Ər-Riyadda İslam Həmrəyliyi İdman Federasiyasının baş assambleyası, icraiyyə komitəsinin iclası, eyni zamanda, İHİF-nın hər 4 ildən bir baş tutan hesabat konfransı keçirilib. Allsport.az saytı xəbər verir ki, toplantı çərçivəsində Azərbaycanın 4-cü Islam həmrəyliyi oyunlarında gördüyü iş yüksək qiymətləndirilib.

Tədbirin yekununda Baş idman təşkilatının sədri , Səudiyyə Ərəbistanı Milli Olimpiya Komitəsinin prezidenti, IHIF-a yeni seçilmiş prezident Turky bin Abdulmöhsün Əl-Əlşeyx tərəfindən gənclər və idman naziri Azad Rəhimova, MOK vitse-prezidenti Çingiz Hüseynzadəyə və Könül Nurullayevaya “dördillikdə xidmətlərinə görə xüsusi mukafatlar təqdim olunub.