İngiltərə millisinin üzvü “İnter”də

“İnter” müdafiə xəttini yeni oyunçu ilə gücləndirib.

Allsport.az xəbər verir ki, İtaliya çempionu “Tottenhem”dən Ced Spensi transfer edib.

“İnter” ingiltərəli futbolçu üçün London klubuna 30 milyon avro təzminat ödəyib. 26 yaşlı sağ cinah müdafiəçisi ilə 2031-ci ilin 30 iyun tarixinə kimi nəzərdə tutulan müqavilə imzalanıb.

İngiltərə millisinin üzvü olan Ced Spens 2025/26 mövsümündə premyer liqa təmsilçisinin heyətində meydana çıxdığı 44 rəsmi matçda məhsuldar göstərici ilə yadda qalmayıb.