“İşğaldan azad olunan ərazilərdə beynəlxalq tədbirlərin təşkili əsas hədəflərimizdəndir”

“Avarçəkmə federasiyası bir neçə dəfə Suqovuşanda “Mingəçevir reqatası” və “Prezident kuboku” beynəlxalq yarışları keçirib. Bu dəfə növbəti yeniliyə nail olacağıq: Füzulidə Aşağı Köndələnçay su anbarında reqatanın rəsmi açılış mərasimi baş tutacaq”.

Allsport.az saytı xəbər verir ki, bunu AKAF-ın mətbuat katibi Vüsal Qurbanov dedi. Onun sözünə görə, işğaldan azad olunan ərazilərdə beynəlxalq tədbirlərin təşkili federasiyanın əsas hədəflərindəndir:

“Füzulidə 200 metr məsafəyə kayak və kanoe yarışı olacaq. Sonra mübarizə Mingəçevirdə davam edəcək. Burada bütün növ və məsafələrdə rəqabət olacaq. İdmançılarımız paytaxtda və Mingəçevirdə yaxşı təlim-məşq keçiblər. İldən-ilə nəticələrimiz yaxşılaşır. Ümidvaram ki, avarçəkənlərimiz bu yürüşlərdə də fərqlənəcəklər”.