“Kəpəz” və “Rəvan” bu turu qələbə ilə başa vurdu

Bu gün Premyer Liqada 31-ci tur başa çatıb. Allsport.az saytı xəbər verir ki, son oyun günündə 2 görüş baş tutub. Öncə “Sumqayıt”la “Kəpəz” öz aralarındakı münasibətlərə aydınlıq gətirib. 5 qolun vurulduğu oyunda qələbəni qonaqlar bayram ediblər.

Nəhayət, turun qapanış matçında daha bir paytaxt derbisi baş tutub. Çempionatın aşkar autsayderi “Rəvan” öz meydanında AzAL-ı qəbul edib. Autsayder bu görüşdə vacib qələbə qazanaraq, sonuncu pillədən qurtulmaq imkanını artırıb.