Kan FIFA-ya çağırış etdi: “2002-ci ilin finalını yenidən keçirək”

Almaniya millisinin sabiq qapıçısı Oliver Kan FIFA-ya istehzalı çağırış edib.

Allsport.az xəbər verir ki, əfsanəvi qolkiper bu fikri ABŞ millisinin hücumçusu Folarin Baloqunun 2026-cı il dünya çempionatında aldığı qırmızı vərəqə ilə bağlı cəzanın ləğv edilməsindən sonra səsləndirib.

Kan sosial şəbəkə hesabında bildirib ki, əgər futbol tarixini yenidən yazmaq qərarı verilibsə, o zaman 2002-ci il dünya çempionatının yarımfinalında Mixael Ballakın aldığı sarı vərəqə də ləğv edilməlidir. O qeyd edib ki, həmin xəbərdarlıq səbəbindən Ballak finalı buraxmışdı. Sabiq qapıçı istehza ilə əlavə edib ki, bu halda Almaniya – Braziliya finalını da yenidən keçirmək olar.

2002-ci il dünya çempionatının finalında Almaniya millisi Braziliyaya 0:2 hesabı ilə məğlub olmuşdu.