«Kutaisi» uduzdu, millimizin oyunçusu ən yaxşılarda oldu

Millimizin basketbolçusu Zaur Paşayevin formasını geyindiyi «Kutaisi 2010» klubu Gürcüstan Superliqasında bu gün növbəti matça çıxıb.

Allsport.az saytı xəbər verir ki, «ağ-yaşıllar» doğma divarlar arasında «Batumi»ni qəbul edib. Gərgin keçən görüşdə həmyerlimizin komandası 91:97 hesabı ilə məğlub olub.

Bu qarşılaşmada da Zaur Paşayev ən yaxşılardan olub. O, 21 xal qazanıb, 5 ötürmə verib, 6 götürmə edib. 8 kollektivin yer aldığı çempionatda «Kutaisi» 15 xalla 2-cü sıradadır.