Millimiz dünya çempionatına son hazırlığı Şamaxıda keçir

Kişi taekvondoçulardan ibarət Azərbaycan millisi dünya çempionatına son hazırlıqlar üçün Şamaxıya yollanıb. Allsort.az saytı xəbər verir ki, baş məşqçi Rza Mehmandostun rəhbərlik etdiyi yığma rayonun olimpiya idman kompleksində təlim-məşq keçir. Toplanışa mayın 29-dan iyunun 4-dək Bakıda keçiriləcək dünya çempionatında təmsil edəcək taekvondoçular qatılıb.

Gedişatla yerində tanış olmaq üçün ATF-in vitse-prezidentləri Nağı Səfərovla Niyaməddin Paşayev və idarə heyətinin üzvü Vüqar Məmmədov da Şamaxıya yollanıblar. Komanda ilə görüşən rəhbərlik onlara doğma divarlar arasında keçiriləcək mundialda böyük ümidlər bəsləndiyini bildiriblər.