Millimizin baş məşqçisi “Əl Sədd” stadionuna buraxılmayan azarkeşlərimizin könlünü alıb

Millinin baş məşqçisi Robert Prosineçki Qətərlə yoxlama görüşündə stadiona buraxılmayan azarkeşlərimizlə görüşüb. Allsport.az saytı xəbər verir ki, xorvatiyalı mütəxəssis onların könlünü alıb, sonradan şəkil də çəkdirib.

Paytaxt Dohanın “Əl Sədd” stadionunda “ay-ulduzlular”ımızın oyununu izləməyə gələnlər Şamxal, Toğrul, Sənan, Elçin, Fərid, Zakir, Mustafa və Saim adlı fanatlar olub. Matçın ictimaiyyətə tam qapalı keçirildiyi üçün, stadiona tamaşaçı buraxılmayıb.