Növbəti mərhələ Şamaxıda olub

Yeniyetmə oğlanlardan ibarət cüdo millimiz Avropa çempionatına hazırlığını davam etdirir. Allsport.az saytı xəbər verir ki, növbəti mərhələ Şamaxıda təşkil olub.

Təlim-məşqdə baş məşqçisi Emin İskəndərov və məşqçi Nicat Şıxəlizadə rəhbərlik ediblər. Gündə 2 dəfə məşq edən cüdoçular fiziki hazırlıqla yanaşı, texniki və taktiki bacarıqların təkmilləşdirilməsi istiqamətində də intensiv çalışmalar aparıblar.

Yeniyetmələrin qitə çempionatı 29 iyun – 2 iyulda İspaniyanın Las Palmas şəhərində keçiriləcək.