Özbəkistan millisinin baş məşqçisi: “Bir şeyi başa düşməliyik: bu, ilk dəfədir”

Allsport.az saytı xəbər verir ki, Özbəkistan millisinin baş məşqçisi Fabio Kannavaro jurnalistlərin komandanın qarşıdan gələn Dünya Kuboku üçün hədəfləri ilə bağlı suallarını cavablandırıb:

“Mən gəldiyimdən bəri hamı bu sualı verir. Hətta bəziləri Dünya Kubokunu qazanmaq barədə də soruşurdular. Bir şeyi başa düşməliyik: bu, ilk dəfədir. Oyunçulara təzyiq lazım deyil. Bir şeyi etməliyik: meydana çıxmaq, bütün gücümüzü sərf etmək və hər şeyi meydanda qoymaq. Meydanda hər şeyi göstərsək, heç nəyə peşman olmayacağıq.

Hər şeyi meydanda qoymaq. Özbəkistan xalqı başa düşməlidir ki, biz Avropa və Latın Amerikası komandalarına qarşı oynayırıq. Bu, asan deyil. Təkrar edirəm: bu, ilk dəfədir. İtirəcək heç nəyimiz yoxdur. Andan zövq almalı və meydanda hər şeyimizi verməliyik. Nəticəyə zəmanət verə bilmərəm, amma oyunçular hər şeyi edəcəklər”.

Xatırladaq ki, Özbəkistan tarixində ilk dəfə dünya çempionatının finalına vəsiqə qazanıb və Portuqaliya, Kolumbiya və Konqo Demokratik Respublikası ilə “K” qrupuna düşüb.