Paşayevin komandası finala yüksələ bilmədi

Ukrayna kubokunda yarımfinal mərhələsinin oyunları keçirilib. Allsport.az xəbər verir ki, Pavel Paşayevin çıxış etdiyi  “Aleksandriya” evdə “Zarya” ilə qarşılaşıb.

Matçın əsas və əlavə vaxtı qolsuz bərabərliklə başa çatdığı üçün qalib penaltilər seriyasında müəyyənləşib. Burada daha dəqiq olan “Zarya” (4:3) növbəti mərhələyə yüksəlib. Paşayev 46-cı dəqiqədə meydana daxil olub və sona qədər oynayıb.

Kubokun finalında “Zarya” və Kiyev “Dinamo”su qarşılaşacaq. Matç mayın 13-ü keçiriləcək.