Qaradağ bosniyalılara yenildi, “Qarabağ”ın legionçuları üzüldü

Millətlər liqasının “B” divizionunun 3-cü qrupunda Monteneqro futbolçuları 5-ci turda səfərdə Bosniya və Hersoqovinaya 0:1 uduzub.

Allsport.az saytı xəbər verir ki, qonaqların heyətində “Qarabağ”ın 2 legionçusu – Marko Veşoviç ilə Marko Yankoviç start heyətdə meydana çıxıblar.

Adı ilk çəkilən sona qədər oynayıb, digəri 81-ci dəqiqədə əvəzlənib. Qaradağ millisi növbəti görüşü sentyabrın 26-sında evdə Finlandiyaya qarşı keçirəcək.