Qran-prinin Bakıda keçirilməsinə icazə verildi

Dünya paracüdoçuları mayın 25–26-da Bakıda çıxış edəcəklər. Allsport.az saytı xəbər verir ki, qran-prinin əhəmiyyəti nəzərə alınaraq Bakıda keçirilməsinə icazə verilib.

Heydər Əliyev adına idman sarayında 40-dan çox ölkənin nümayəndələrinin qatılacağı gözlənilir. Bununla bağlı AMPK-nın prezidenti İlqar Rəhimovun sədrliyi ilə təşkilat komitəsi yaradılıb.

Bu sınaq Tokio-2020 paaralimpiadasına reytinq xalları qazandırır. Mükafat yarışı ölkəmizdə tətbiq edilən mövcud karantin qaydalarına, sanitar-epidemioloji tələblərə uyğun və tamaşaçı iştirakı olmadan keçiriləcək.