“Əminəm ki, Paris paralimpiadasında da ölkəmizi layiqincə təmsil edəcəyəm”

“Çox sevinirəm ki, ikinci medalı qazandım və bu, “qızıl” oldu. Özümlə fəxr edirəm. Rəqiblərim güclü idi, amma qalib gəldim”. Allsport.az xəbər verir ki, bu fikirləri Tokio-2020 yay paralimpiya oyunlarında qızıl medal qazanan Azərbaycan para-atleti Lamiyə Vəliyeva deyib.

400 metr məsafəyə qaçışda 55 saniyə nəticə ilə bütün rəqiblərini geridə qoyan idmançı Tokiodakı yarışa uzun müddət hazırlaşdığını bildirib: “Bu, hələ başlanğıcdır. Biz 2024-cü ildə Parisdə yay paralimpiya oyunlarına hazırlaşacağıq. Əminəm ki, oradada ölkəmi layiqincə təmsil edəcəyəm”.

Qeyd edək ki, Lamiyə Vəliyeva daha əvvəl 100 metr məsafəyə qaçışda gümüş medala sahib çıxıb.