Stankoviç qovulur

“Spartak” baş məşqçi Deyan Stankoviçi istefaya göndərmək qərarına gəlib. 

Allsporr.az xəbər verir ki, artıq Moskva təmsilçisinin idman direktoru Frensis Kaxiqao yeni məşqçi axtarışına çıxıb.

“Spartak”ın əsas variantının ispaniyalı baş məşqçi Luis Qarsiya Plaza olacağı gözlənilir.

Stankoviç sentyabrın 19-dan Moskvanın “Dinamo”su ilə matçda meydandan qovulmasından sonra uzun müddət cəzalandığı üçün “Spartak”ı ehtiyat oyunçular skamyasından idarə edə bilmir.