“Gilan” idman klubun üzvü klublararası Avropa çempionatında bürünc medal qazanıb

Allsport.az xəbər verir ki, Bolqarıstanın paytaxtı Sofiyada taekvondo üzrə klublararası Avropa çempionatında ikinci medalımız qazanılıb. 2000-dən çox idmançının qatıldığı yarışda “Gilan” idman klubunun üzvü Taleh Süleymanov (87 kq) çıxışını mükafatla başa vurub.

İlk mərhələdən azad olan təmsilçimiz 1/8 ispaniyalı Ruben Qarsiya (“Mazarron”) ilə döyüşüb. Rəqibini məğlub edən Süleymanov ikinci görüşündə yunanıstanlı İoannis Papadopoulosa (“Attiki Dinami”) qalib gəlib.

Taleh yarımfinalda xorvatiyalı Yosip Biliçlə (“Marjan”) üz-üzə gəlib. Döyüşdə zədələnən taekvondoçu məğlub olub və bürünc medalla kifayətlənib.

Beləliklə, klublarımızın Avropa çempionatında qazandığı mükafatların sayı ikiyə çatıb. Süleymanovdan öncə “Alpman” Taekvondo Klubunun üzvü Səlimə Quliyeva (42 kq) ikinci yeri tutub.

Yarış aprelin 30-da yekunlaşacaq.