Tennisçilər Vətənə döndü

Albaniyanın paytaxtı Tiranada təşkil edilən “Davis Cup” turniri başa çatıb.

Allsport.az xəbər verir ki, mötəbər yarışın 4-cü qrupundan inamlı qələbələrlə 3-cü qrupa yüksələn Azərbaycan komandası Vətənə qayıdıb.

Heydər Əliyev beynəlxalq hava limanında idmançıları Azərbaycan tennis federasiyasının rəsmiləri qarşılayıb.

Kənan Qasımov, Tamerlan Əzizov və Elvin Həşimovdan ibarət milli baş məşqçi Yalçın Manaflının rəhbərliyi altında Andorra və San Marino seçmələri məğlub edərək pley-offa adlayıb. Bu mərhələdə Lixtenşteyn seçməsinə qalib gələn milli 3-cü qrupa yüksəlib.