Nakaşima Monrealda yarımfinala yüksəldi

ABŞ tennisçisi Brendon Nakaşima Monrealda keçirilən “Ustadlar” turnirində yarımfinala yüksəlib.

Allsport.az xəbər verir ki, 24 yaşlı tennisçi 1/4 finalda italiyalı Luçano Darderiyə qalib gəlib – 6:2, 6:3.

Bu, Nakaşimanın son 8 matçda 7-ci qələbəsi olub. O, canlı reytinqdə karyerasında ilk dəfə 25-ci pilləyə yüksəlib.

Amerikalı tennisçi ATP səviyyəsində 14-cü, “Ustadlar” turnirində isə ilk dəfə yarımfinala vəsiqə qazanıb. Onun bu mərhələdə balansı 4 qələbə və 9 məğlubiyyətdən ibarətdir.

Nakaşima yarımfinalda Rafael Xodar – Artur Fis cütünün qalibi ilə qarşılaşacaq.