“Tobol” həmyerlimizi tərifləyib

“Tobol”un rəsmi saytı klubun qapıçısı Emil Balayevin millimizdə debütünü dəyərləndirib. Allsport.az saytı xəbər verir ki, qazaxlar onun dünya birinciliyinin gümüş medalçısı Xorvatiya ilə oyunda əzmkarlığını qeyd ediblər:

“Qolkiper inamlı oyun nümayiş etdirərək komandasını bir neçə dəfə qoldan xilas etdi. Ancaq Xorvatiya millisi istəyinə 11-metrlik cərimə zərbəsindən sonra nail oldu. Qapıçı 90 dəqiqə ərzində meydanda mübarizə apardı”.

Xatırladaq ki, sentyabrın 9-da “Bakcell arena”da görüş 1:1 heç-heçə bitib.