“Türkiyənin son oyunlarda nümayiş etdirdiyi futbol göz önündədir”

Sabah Azərbaycan futbolçuları Türkiyənin Alanya şəhərində yerli komanda ilə beynəlxalq yoldaşlıq oyununa çıxacaq. Allsport.az saytı xəbər verir ki, görüş öncəsi millinin qapıçısı Emil Balayev bunu deyib:

“Biz bu oyuna dostluq yox, qardaşlıq oyunu kimi baxırıq. Türkiyə millisinin son oyunlarda nümayiş etdirdiyi futbol göz önündədir. Niderland, Norveç kimi güclü komandaları məğlub ediblər.

Futbolsevərləri maraqlı oyun gözləyir. Türkiyə Avropa çempionatının final mərhələsinə hazırlaşdığından bu oyuna diqqət çox olacaq. Biz futbolçular da çalışacağıq ki, maksimum bacarığımızı nümayiş etdirək”