“Xəzər Lənkəran”da bu gün istirahət, sabah məşq

Türkiyədə keçirdiyi yay təlim-məşq toplanışında olan “Xəzər Lənkəran” ötən gün ikinci yoxlama oyununu keçirdi. Allsport.az xəbər verir ki, cənub klubu Türkiyə Super Liqa təmsilçisi “Kasımpaşa” ilə qarşılaşdı və 0:2 hesablı məğlubiyyətlə üzləşdi.

“Xəzər Lənkəran” bu gün istirahət edəcək. Komanda bir günlük istirahətin ardından iyul ayının 16-dan başlayaraq məşqlərini davam etdirəcək.

“Ağ-yaşıllar”ın növbəti yoxlama oyunu iyulun 18-nə planlaşdırılır. Rəqibin kimliyi isə hələlik, müəyyənləşməyib.