Yeni klubu bəlli oldu

“Fənərbağça”nın sabiq futbolçusu Duşan Tadiçin yeni klubunun adına aydınlıq gəlib.

Allsport.az xəbər verir ki, serbiyalı vinger karyerasını Niderlandda davam etdirəcək.

Tadiç “NEK Neymeqen”lə anlaşıb. 37 yaşlı futbolçu ilə 2028-ci ilin 30 iyun tarixinə kimi nəzərdə tutulan müqavilə imzalanıb.

Duşan Tadiçin son klubu “Əl-Vahda” olub. Təcrübəli oyunçu Birləşmiş Ərəb Əmirlikləri təmsilçisinin heyətində meydana çıxdığı 42 rəsmi matçda 5 qol və 20 məhsuldar ötürmə ilə yadda qalıb.