Zaur Paşayev «Kutaisi» klubuna 12 xal qazandırdı

Millimizin basketbolçusu Zaur Paşayevin formasını geyindiyi «Kutaisi 2010» klubu Gürcüstan Superliqasında növbəti matça çıxıb.

Allsport.az saytı xəbər verir ki, qış fasiləsindən sonra «ağ-yaşıllar» doğma divarlar arasında «Olimp»i qəbul edib. Gərgin keçən görüşdə həmyerlimizin komandası 83:77 hesabı ilə qalib gəlib.

Bu qarşılaşmada Zaur Paşayev ən yaxşılardan olub. O, 12 xal qazanıb, 9 ötürmə verib, 5 götürmə edib. 8 kollektivin yer aldığı çempionatda «Kutaisi» 14 xalla 3-cü sıradadır.