Zaur Paşayevin komandası qalib gəldi, legionçumuz 26 xal qazandı

Bu gün millimizin basketbolçusu Zaur Paşayevin formasını geyindiyi «Kutaisi 2010» klubu Gürcüstan Superliqasında növbəti matça çıxıb.

Allsport.az saytı xəbər verir ki, «ağ-yaşıllar» doğma divarlar arasında «Rustavi»ni qəbul edib. Gərgin keçən görüşdə həmyerlimizin komandası 106:99 hesabı ilə qalib gəlib.

Bu qarşılaşmada da Zaur Paşayev ən yaxşılardan olub. O, 26 xal qazanıb, 5 ötürmə verib, 2 götürmə edib. 8 kollektivin yer aldığı çempionatda «Kutaisi» 17 xalla 3-4-cü yeri bölüşdürür.