“Zirə” öz əvəzedicilərinə böyük hesabla qalib gəlib

“Qartallar” qış hazırlıq mərhələsində baş məşqçi Ayxan Abbasovun rəhbərliyi ilə ilk yoxlama oyununu keçirib. Allsport.az saytı xəbər verir ki, Zirə İdman Kompleksində keçirilən görüşdə rəqib əvəzedici heyət olub. Matçın 1-ci hissəsi əsas komandanın 1-0 hesablı üstünlüyü ilə yekunlaşıb.

Təmkin Xəlilzadənin ötürməsindən sonra Nurlan Novruzov fərqlənib. Fasilədən sonra baş məşqçi demək olar, bütün komandanı dəyişib. Sona qədər əsas komanda daha 3 qol vurub. Qollardan ikisinə Milan Duriç, birinə isə Elgün Nəbiyev adını yazdırıb.