3-cü mərhələdə İslandiya klubu ilə

Kişi həndbolçulardan ibarət “Kür” komandasının Avropa kubokunun 3-cü mərhələsində rəqibi müəyyənləşib. Allsport.az saytı xəbər verir ki, Vyanada atılan püşkün nəticəsinə əsasən, ölkə çempionu İslandiyanın “Haukar” klubu ilə qarşılaşacaq.

Mərhələnin ilk oyunları noyabrın 23-24-də, cavab görüşləri noyabrın 30-u və dekabrın 1-də keçiriləcək.

Xatırladaq ki, Mingəçevir klubu yarışın 2-ci mərhələsində Kipr “Parnassos Strovolu”nu mübarizədən kənarlaşdırıb.