75 yaşlı mütəxəssis növbəti dəfə “Kristal Pəlas”ın başına keçib

Roy Xocson yenidən “Kristal Pəlas”ın başına keçib. Allsport.az saytı xəbər verir ki, İngiltərə klubu Patrik Vieyranın istefasından sonra, 75 yaşlı mütəxəssisin mövsümün sonuna qədər baş məşqçi təyin olunduğunu açıqlayıb. Onun köməkçisi Peddi Makkartidir.

“Kristal Pəlas” yeni baş məşqçinin rəhbərliyi ilə ilk oyununu aprelin 1-də “Lester Siti”yə qarşı keçirəcək. Klub hazırda 27 xalla premyer liqanın turnir cədvəlində 12-ci yerdədir.

O, 2017-2021-ci illərdə “Kristal Pəlas”ı idarə edib. Onun məşqçilik karyerasında sonuncu klubu “Uotford” olub.

Həmin kateqoriyadan