Ağayev “İnter”lə müqavilə imzaladı

Azərbaycan yığmasının qapıçısı Səlahət Ağayev “İnter”də qalmağa qərar verib. Allsport.az xəbər verir ki, gənc qapıçı paytaxt klubu ilə yeni müqavilə imzalayıb.

Yeni anlaşmaya görə, Səlahət ən azı növbəti mövsümün yarısına qədər “İnter”də çıxış edəcək. Hər şey qaydasında olsa, yarım illik müqavilənin müddəti artırıla da bilər.

Qeyd edək ki, Ağayevin bakılılarla müqaviləsinin müddəti başa çatan mövsümün sonunda bitmişdi.