AHİTA və ABF arasında görüş

Azərbaycan həmkarlar ittifaqları idman təşkilatları assosiasiyası və Azərbaycan boks federasiyası arasında görüş olub.

Allsport.az saytı xəbər verir ki, AHİTA-nın inzibati binasında toplantıda ictimai birliyinin direktoru Tural Qasımovun rəhbərlik etdiyi nümayəndə heyəti ilə ABF-in baş katibi Nağı Səfərov iştirak edib.

Tərəflər arasında aparılan müzakirələrdə boks idman növünün inkişaf etdirilməsi, birgə idman layihələrinin icrası, çempionat və turnirlərin təşkili, eləcə də gənclərin bu idman növünə marağının artırılması məsələləri ətrafında fikir mübadiləsi aparılıb.