Ançelotti yenə şikayətlənir

“Real”ın baş məşqçisi Karlo Ançelotti oyun cədvəlini tənqid edib.

Allsport.az xəbər verir ki, Madrid klubu üç yarışda mübarizəni davam etdirir.

Mayın 6-da İspaniya kubokunun finalında “Real” “Osasuna” ilə qarşılaşacaq. Mayın 9-da komanda çempionlar liqasının ilk yarımfinalında “Mançester Siti” ilə qarşılaşması nəzərdə tutulub.

Ançelotti isə deyib: “Təqvim çox sıxdır, oyun çoxdur. Futbolçuların səhhətinə nəzarət etməliyik.

Oyunçular futbolun ən vacib hissəsidir, amma hamı özünü düşünür: Liqa özü haqqında fikirləşir, federasiya özü haqqında düşünür, FİFA özünü düşünür, UEFA özü haqqında düşünür.

Bu, futbol üçün yaxşı deyil”.