“Aston Villa” Lukakunu almaq fikrindədir

İngiltərə premyer liqa klubu, bu mövsümdə “İnter”də icarə əsasında çıxış edən hücumçu Romel Lukaku ilə maraqlanır.

Allsport.az saytı xəbər verir ki, “Çelsi”yə məxsus olan belçikalı futbolçu “Aston Villa” tərəfindən bir seçim olaraq nəzərdən keçirilir.

“İnter”in icarə müddətinin sonunda onun müqaviləsini “Çelsi”dən ala biləcəyi inandırıcı görünmür. London klubu 29 yaşlı hücumçuya o qədər də güvənmir.

2022/23 mövsümündə Lukaku klub səviyyəsində 19 oyuna çıxıb, 5 qol vurub və 1 məhsuldar ötürmə edib.