“Təmiz idman təcrübədə”

İsveçrənin Lozanna şəhərində Beynəlxalq test agentliyi, Milli antidopinq təşkilatları institutu və Ümumdünya antidopinq alimləri assosiasiyasının birgə təşkilatçılığı ilə “Təmiz idman təcrübədə” adlı beynəlxalq tədbir öz işinə başlayıb.

Allsport.az saytı xəbər verir ki, nüfuzlu toplantıda bizdən AMADA-nın icraçı direktoru Təhminə Tağızadə təmsil edib.

Tədbir, antidopinq fəaliyyətinin keyfiyyətinin və effektivliyinin artırılması, əməliyyat təcrübəsinin paylaşılması və təşkilatlar arasında əməkdaşlığın gücləndirilməsi məqsədi daşıyıb.