Bədavi Hüseynov: “Azərbaycanı layiqincə təmsil etməyə çalışacağıq”

“Qarabağ”ın müdafiəçisi Bədavi Hüseynov Avropa Liqasının qrup mərhələsində İngiltərənin “Tottenhem”, Fransanın “Monako” və Belçikanın “Anderlext” klubu ilə bir qrupa düşmələrinə münasibət bildirib. Azerisport.az saytına açıqlamasında o, bunları söyləyib:

“Çox çətin qrupa düşmüşük. Bütün rəqiblərimiz olduqca tanınmış və güclü komandalardır. Bu cür oyunlar bizə əvəzsiz təcrübə qazandıracaq. Çalışacağıq ki, Azərbaycanı layiqincə təmsil edək və qrupu bacara bildiyimiz qədər yüksək pillədə bitirək”.