“Barselona” tarixinə düşdü

“Barselona”nın ispaniyalı yarımmüdafiəçisi Pedri klub tarixində daha bir əlamətdar göstəriciyə imza atıb.

Allsport.az xəbər verir ki, gənc futbolçu UEFA Çempionlar Liqasında “Feyenoord”a qarşı keçirilən matçda Kataloniya klubunun heyətində 250-ci oyununa çıxıb.

Bununla Pedri “Barselona” tarixində bu göstəriciyə ən gənc yaşda çatan ikinci futbolçu olub.

Bu siyahıya klubun əfsanəsi Lionel Messi başçılıq edir. Argentinalı ulduz da “Barselona”nın heyətində 250-ci oyununa daha erkən yaşda çıxaraq bu rekordu uzun müddət qoruyub.

Pedri “Barselona”ya 2020-ci ildə “Las Palmas”dan transfer olunub.